Koşka Sipî: Em ê hêzên xwe ji Sûriyê vekişînin
Berdevka Koşka Sipî Sarah Sanders ragihand, ku ti guhertin di karên îdareya Amerîkî de çênebûye û nerîna serokê Amerîkayê Donald Trump, li ser wan karan zelal e û dixwaze di zûtirîn dem de, hêzên Amerîkî ji Sûriyê vekişîne.
A+A-
Sarah Sanders got, ku Amerîka rijd e li ser jinavbirina DAIŞê bi yekcarî û nehiştina wan astengiyan, ku rê li ber vegera hêzên wê digirin.
Ew daxuyaniyên Koşka Sipî di demekê de ne, ku duh serokê Frensa Emmanuel Macron ragihandibû, wî kariye serokê Amerîka Donald Trump razî bike, ku hêzên Amerîkî li Sûriyê bihêle.
Di Şemiya derbasbûyî de, 14/4/2018an, Amerîka, Frensa û Birîtanya, bingehên serbazî yên rêjîma Sûriyê bordûman kirin.
Ew bordûmana Amerîka û hevpeymanên wê, piştî wê yekê hat, ku di 7/4/2018an, hêzên rêjîma Sûriyê bi çekên kîmyewî êrîşî bajarê Dûma yê Xûta Rojhilat kirin û di encamê de, nêzîkî 150 welatiyên sivîl canê xwe ji dest dan.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin