• Diyarbakır 10 °C
  • Batman 11 °C
  • Hakkari 6 °C
  • Şırnak 9 °C
  • Ağrı 2 °C

Komkujiyên Kobanê û Amûdê hatin şermezarkirin

Komkujiyên Kobanê û Amûdê hatin şermezarkirin
li bajarê Dortmundê li Almanyayê alîgirên ENKS mangirtineka girseyî li dar xistin.

 

Îro (9.7.2016) li bajarê Dortmundê li Almanyayê alîgirên Encumena Niştimanî ya Kurd li Sûriyê (ENKS) mangirtineka girseyî li dar xistin.

Mangirtin bi beşdariya Îbrahîm Biro serokê ENKS, rêxitinên civata sivîl û çend keseyatiyên kurd û alman birêve çû.


Beşdarvanan bi tundî komkujiya Amûdê ku ji aliyê hêzên PYD ve hatiye pêk anîn, û komkujiya Kobanê ku tê de bi sedên mirovên sivîl li ser destê DAIŞê hatin kuştin, weke encam ji kemterxemiya rêvebriya bi ser PYD ve ku, ne ji xwe ve, gel û xaka Kurdistana Rojava diparêze.


Beşdarvanan her weha siyasetên rejîmê û yên rêveberiya xweser li Kurdistanê protesto kirin, û daxawaza azadikirina girtiyên siyasî yên di zîndanên PYD de, û derbasbûna pêşmergeyên Rojava jibo Kurdistan Sûriyê kirin, weke berhoyek jibo bidestxistina yekrêziya gelê kurd li vî beşê welatê me.

Hejayî gotinê ye ku li Almanyayê dora 50 000 welatiyên kurdistana Rojava dijîn.

(E.B)

Ev nûçe 626 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din