Koçberên Surî, vedigerin malên xwe

Koçberên Surî, vedigerin malên xwe

Bi sedan koçberên Sûrî ji Lubnanê vegeriyan û li bajarokê xwe yê Quseyr niştecî bûn.

A+A-

Bi sedan koçberên Sûrî ji Lubnanê vegeriyan û li bajarokê xwe yê Quseyr niştecî bûn.
 
Piştî 6 salan ji valabûn, beşek ji xelkê bajarokê Qusêr vedigerin ser mal û milkê xwe. Piraniya xelkê bajarokê navborî, bi sedema şer koçberî Lubnana hevsînor bibûn. Bi sedan penaber bi rûya otobûsan ji Lubnanê vegeriyane bajarokê xwe.
 
Desthilatên xwecihî yên hikûmeta Sûriyê dibêjin ku wan alîkariya lojestîk û xizmetguzariyên pêwîst amade kirine.
 
Ofîsa cîbicîkara Quseyrê Mihemed Read dibêje “Ev 10 rojin em vegeriyane Quseyr, em mijûlî vegerandina malbtan bûne. Me bi awayekî gelekî baş ev proje birêk xistiye. Xizmetguzarî û hinek sazî bo paqijkirin û vekirina rêyan hatin bikaranîn. Hinek dikan hene hêj pêdiviya wan bi paqijkirinê heye.”
 
Welatiyên ku vegeriyane daxwaz dikin ku malên wan ên wêrankirî werin nûjenkirin. Ew herwiha bangî derbiderên din dikin ku li bajarok û malên xwe vegerin.
 
Li gor amaran, tenê ji sedî 10 xelkê bajarokê Quseyir vegeriyane cihê xwe. Li gor amarên Neteweyên Yekgirtî, 6 milyon û 600 hezar kes li navxweyî Sûriyê koçber bûne û 5 milyon û 600 hezar kesan welatê xwe bicih hiştine û berê xwe dane Libnan, Tirkiye, Urdun û çend welatên din.

Ev nûçe 96 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin