• Diyarbakır 23 °C
  • Batman 21 °C
  • Hakkari 11 °C
  • Şırnak 18 °C
  • Ağrı 12 °C

Kerkûk/ Êrîş birin ser Heşda Şeibî

Kerkûk/ Êrîş birin ser Heşda Şeibî
Jêderekî emnî li parêzgeha Kerkûkê ji medya Iraqî û Erebî re ragihand, ku bi sedema teqîna bombeyeke vedayî, çekdarekî Heşda Şeibî hat kuştin û 6 çekdarên din jî birîndar bûn.

Li gorî zanyariyên wî jêderî, duh êvarî, dema ku kerwanekî çekdarên Heşdê li gundê "Necatiye" yê ser bi bajarê Hewîce ve derbas bû, ew bombe bi wî kerwanî ve teqiya, yek ji çekdaran hat kuştin û 6 birîndar bûn û ew ji bo nexweşxaneyê hatin veguhestin.

Piştî bûyerên 16ê Cotmeha sala derbasbûyî, ku çekdarên Heşdê û artêşa Iraqê derbasî Kerkûkê û navçeyên derdorê hatin kirin, heya niha rewşa emnî li wan navçeyan aram nebûye.

Derbarê vê mijarê, rêvebirê rewşenibîrî û ragihandinê di wezareta Pêşmerge de Helgurd Hikmet, ji Kurdistan24ê re ragihand, ku "Girûpa çekdarên DAIŞê li herdu parêzgehên Kerkûk û Nînewa, çekdarên xwe rêk dixe".

Herwiha ev demek e li başûrê rojavayê Kerkûkê, çendîn êrîşî li ser çekdarên Heşdê tên kirin û di meha derbasbûyî de, li wê navçeyê çekdarên DAIŞê 29 çekdarên ser bi Heşdê ve kuştin.

Ev nûçe 413 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din