Kemal Kerkûkî: Me biryara vekirina rêya Hewlêr-Kerkûkê daye

Kemal Kerkûkî: Me biryara vekirina rêya Hewlêr-Kerkûkê daye

Berpirsê Mîhwera Rojavayê Kerkûkê ya Hêza Pêşmerge, Kemal Kerkûkî ragihand, wan biryara vekirina rêya Hewlêr-Kerkûkê daye.

A+A-

Berpirsê Mîhwera Rojavayê Kerkûkê ya Hêza Pêşmerge, Kemal Kerkûkî ragihand, bo yekemîn car piştî bûyerên 16ê Cotmeha 2017an rêya navbera Kerkûk-Hewlêrê tê vekirin.

 

Piştî bûyerên 16ê Cotmeha 2017an ku hêzên Artêşa Iraqê û Heşda Şeibî êrişî Kerkûk û çend navçeyên din ên Kurdistanî kirin, rêyên di navbera Hewlêrê û sînorên bin kontrola hikûmeta Iraqê de hatibûn daxistin.

 

Berpirsê Mîhwera Rojavayê Kerkûkê ya Hêza Pêşmerge, Kemal Kerkûkî di daxuyaniyekê de ji Rûdawê re ragihand: “Di destpêka heftiya dahatî de dê rêyên navbera Hewlêr-Kerkûk, Hewlêr-Mexmûr û tevahiya wan rêyan tên vekirin, ku pêwednî bi jiyana hevwelatiyan ve hebin.”

 

Kemal Kerkûkî herwiha got: “Hêzên pêşmerge li cihê xwe dimînin bi mebesta parastina wan cihan.”

 

Derbarê helwesta aliyê iraqî de jî, Berpirsê Mîhwera Rojavayê Kerkûkê ya Hêza Pêşmerge da xuyakirin: “Em dê ji aliyê xwe ve rêyan vekin û ya ku dimîne, dikeve ser milê wan.”

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin