Keçeke Kurd ji aliyê Pentagonê ve hat xelatki

Keçeke Kurd ji aliyê Pentagonê ve hat xelatki

Şêwirmenda pilebilind a Fermandariya Giştî ya Hêzên Hevpeymaniya Navdewletî ya li dijî DAIŞê, Tanya Mehmûd ji aliyê Berdevkê Hevpeymaniya Navdewletî ve hat xelatkirin û xelata rêzgirtinê wergirt.

A+A-

 

Şêwirmenda pilebilind a Fermandariya Giştî ya Hêzên Hevpeymaniya Navdewletî ya li dijî DAIŞê, Tanya Mehmûd ji aliyê Berdevkê Hevpeymaniya Navdewletî ve hat xelatkirin û xelata rêzgirtinê wergirt. Tanya Mehmûd dibêje, “weke keseke sivîl di nav refên Wezareta Berevaniya Amerîkayê de hatim xelatkirin û xelat jî xelata şarezayiya di warê dijî terorê de ye.”

Ew keça Kurd derbarê xelatkirina xwe ji aliyê Wezareta Berevaniya Amerîkayê ve, daxuyanî da Rûdawê û got: “Wê xelatê didin wan kesan ku roleke taybet digêrin di plandanînê, şêwirê û karkirina di hemû wan bernameyan de ku têkildarî dijî terorê ne.”

Tanya xelka Silêmaniyê ye û niha li Amerîkayê dijî, derbarê hestê xwe piştî wergirtina wê xelatê, Tanya ji Rûdawê re got, “tekez ez keyfxweşim, min çend xelatên din jî wergirtine, lê ev xelat yek ji wan xelatên taybet e ku ji aliyê Fermandarê Giştî yê Hevpeymaniya Navdewletî hatine pêşkêşkirin.”

Ew keça Kurd ji sala 2004 ve li gel Wezareta Berevaniya Amerîkayê, Pentagonê kar dike û dema 4 salan e jî weke şêwirmenda mezin li gel Hevpeymaniya Navdewletî ya li dijî DAIŞê dixebite.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin