• Diyarbakır 17 °C
  • Batman 16 °C
  • Hakkari 11 °C
  • Şırnak 13 °C
  • Ağrı 8 °C

Katelon jî ji serxwebûnê re gotin ’Erê’

Katelon jî ji serxwebûnê re gotin ’Erê’
% 90ê beşdaran dengê erê dane serxwebûna Katalonyayê

Hikûmeta Katelonyayê serkeftina dengên “belê” yên referandûmê ragihand, ku % 90ê beşdaran dengê erê dane serxwebûna Katalonyayê

Berdevkê hikûmeta Katelonyayê Jordî Turul îro ragihand: “Heta niha 2 milyon û 262  hezar û 424 deng, wate  % 42.67ê dengan hatine hejmartin. Ji vê hejmarî 2 milyon û 20 hezar dengderan dengê ERÊ dane, ku ev jî dike %90ê dengan.

Herwiha 176 hezar û 566 kesan jî dengê NA dane ku ev jî dike % 7.8ê ya dengan.”

Bi tevê hemû astengiyên hikûmeta Îspanyayê, Herêma Katelonyayê roja Yekşemê 01-10-2017, giştpirsiya serxwebûnê encam da. Di giştpirsiyê de mafê dengdanê yê 5 milyon û 300 hezar kesan hebû. Lê polîsan nehiştin piraniya xelkê herin ser sindoqan.

Ji ber aloziya di navbera hêzên ewlekariya Îspanya û gelê katelan de 844 kesên sivîl û 33 polîs birîndar bûn.

Serowezîrê Ispanyayê Mariano Rajoy encama referandûmê nas nake û dibêje, referandûm neqanûnî ye.

Ev nûçe 103 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din