Namzetê serbixwe yê Tifaqa Welatperwer û Demokrat ê Batmanê M.Feyyaz Ekmen îro (20.03.2019) li  'Caddeya Diyarbakir'a Batmanê ku caddeya herî dirêj û qalabalix e, ligel Serokê Giştî yê PAKê Mustafa Özçelik, Cîgirê Serokê Giştî yê PSKê Bayram Bozyel, Cîgirên Serokê Giştî yên PAKê Nurullah Tîmur û Kasim Ergun, rêvebir û endamên PAK û PSKyê û hinek sîyasetmedarên Kurd, belavoka hilbijartinê ya Tifaqa Welatperwer û Demokrat li dikandaran û xelkê bi awayekî girseyî  belav kirin. Herwiha Newroza gelê Batmanê pîroz kirin. Di dema belavkirina belavokan de, ji otomobîla hilbijartinê ya Tifaqa Welatperwer û Demokrat jî bi taybetî marş û stranên li ser Newrozê û yên niştimanî li nav bajêr de belav dibûn.

Tifaqa Welatperwer û Demokrat li ser Caddeya Diyarbakir a Batmanê di wexteke ku nêzîkî 4 saetan  de bi hezaran belavok  belav kirin. Gel û esnafên Batmanê pêşewazîyeke germ nîşanî namzetê serbixwe û girseya Tifaqa Welatperwer û Demokrat dan.

Meş û belavkirina belavokan ên Tifaqa Welatperwer û Demokrat ya li Batmanê bi awayekî girseyî û peywendîyên yekser bi gelê Batmanê re, hêvî û heyecana netewî, niştimanî  geştir kir.

Gelê Batmanê ev e bi salan e deng û reng û çalakîyeke bi vî rengê xwe yê Kurdistanî, netewî nedîtibû.