• Diyarbakır 34 °C
  • Batman 38 °C
  • Hakkari 28 °C
  • Şırnak 33 °C
  • Ağrı 28 °C

Ji Necmetîn Re

Niyazî Pîro

(Necmettin Büyükkaya)

Ketime cîhekî teng

niha tenê me

mame bê dest û bê ling

girêdayî me

çar doralîyê min dîwar

çi derî heye çi pencere

weka mirovên kor

bê ronahî me.

 

Nabînim,

lê belê dizanim

hem jî rind dizanim

vira zindan

vira cîhê lêdan

hem jî bi kalas û hesin lêdan

lêdan...

lêdan...

lêdan.

 

Armanca pasvanan ez bimînim bê çare

Biryara min;

berxwedan...

berxwedan...

berxwedan.

Ma qey nizanin,

ez zinarê mezin Necmetîn im

ma qey nizanin,

ez şoreşger û demokrat im

ma qey nizanin,

ez ser didim

sir nadim.

22.01.2017

 

Lewra;

ez Kurdistanî me

nevîyê Selehedînê Eyubî me

ji mirinê natirsim...

natirsim...

natirsim.

Bu yazı toplam 820 defa okunmuştur.
Nivîsên din yên nivîskar