• Diyarbakır 18 °C
  • Batman 16 °C
  • Hakkari 13 °C
  • Şırnak 18 °C
  • Ağrı 9 °C

Ji Kongreya Riyadê mîsogerkirina mafê kurdan derket!

Ji Kongreya Riyadê mîsogerkirina mafê kurdan derket!
Kongreya Berfireh a Hêzên Şoreşger û Opazîsyona Sûrî (Riyad2) hate lidarxistin.

Di kongreya ku bi berfirehî nûnerên opozîsyona Sûrî beşdar bûbûn de hate ragihandin armanca Kongreya Riyadê ew e ku aliyên opozisyonê bigihîne yekrêziyê û nerîneke hevbeş di derbarê çareseriya siyasî de ji bo Sûriyê, li ser bingeha Cenêv-1 û biryarên Encûmena Asayişê yên 21.18 û 22.54 û biryarên navdewletî yên pêwendîdar, ji bo destpêkirina qonaxa veguhêz.

Li gor Rûdawê; beşdarvanên Kongreyê li ser van babetan li hev kirin û di encamnameyê de ragihandin:

 

Parastina Yekîtiya xaka Sûriyê û saxlemiya wê.

 

Serweriya dewletê li ser hemû axa Sûriyê.

 

Sûriyê dewleteke pirnetewe û pir çand e.

 

Destûr mafên neteweyî yên hemû pêkhateyan garantî û misoger dike. Ji wan jî Ereb, Kurd, Turkmen û Suryan-Aşûrî.

 

Doza Kurd beşek ji doza niştimanî ya Sûriyê ye.

 

Divê hemû siyasetên cudaxwaz û yên awarte ku li dijî Kurdan hatine kirin, bêne rakirin û nemînin.

 

Divê nasname li kesên ku ji wan hatibû wergirtin û ji bo mektûman jî careke din were vegerandin.

 

Desthilata dema bê, divê demokratîk be, li ser prensîpa ne navendiya îdarî be.

 

Şerê terorê û tundrewiyê berdewam be.

 

Darizandin û dadgehkirina kesên ku tawanên şer û tawanên li dijî mirovahiyê li Sûriyê encam dane.

Ev nûçe 787 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din