• Diyarbakır 10 °C
  • Batman 10 °C
  • Hakkari -1 °C
  • Şırnak 6 °C
  • Ağrı 3 °C

Ji Fransayê daxuyaniyeke tund..Ger bê peytandin...

Ji Fransayê daxuyaniyeke tund..Ger bê peytandin...
Berdevkê Hikûmeta Fransayê got, heger hate peyitandin ku rêjîma Esed bi çekên kîmawî êrîşî Dûmayê kiriye, Fransa dê berseveke giran bide.

Berdevkê Hikûmeta Fransayê Benjamin Griffo ji Radyoya “Europe1” re ragihand, heger hate tekezkirin ku rêjîma Esed bi çekê kîmawî êrîşî Dûmayê kiriye, Fransa dê berseveke giran bide.

Got jî, di pêwendiyekê de Serokê Fransayê Emmanuel Macon û Serokê Amerîka Donald Trump zanyarî bi hev guherîne, ew zanyarî jî tekez dikin ku çekê kîmawî bikar hetiye.

Roja 7ê vê mehê, firokeyên rêjîma Sûryê bi tundî êrîşî bajarê Dûma yê Xûta Rojhilatê Şamê kirin û li gorî raporên pizîşkî di wê êrîşê de, rêjîmê çekên kîmawî bikar anî û di encamê de bêtirî 100 welatiyên sivîl di nav de zarok û jin canê xwe ji dest dan û bi sedan jî birîndar bûn.

Ji aliyê xwe ve, Şanderê NY yê taybet bo Sûriyê Staffan De Mistura di civîneke awarte ya Encûmena Asayişa Navdewletî de ragihand, nikarin nûçeya bikaranîna çekê kîmawî li Dûmayê piştrast yan red bikin.

Ji aliyê xwe ve, duh jî Serokê Amerîka Donald Trump got, derbarê êrîşa kîmawî li ser Xûtaya Rojhilat di heyama 24 yan 48 demjimêrên bê de biryarên girîng derdikin.

Ev nûçe 420 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din