Ji Emerîka bo Bexda: Balafirgehên Kurdistanê Vekin!

Ji Emerîka bo Bexda: Balafirgehên Kurdistanê Vekin!

Di birîfînga rojane de Berdevka Wezareta Derve ya Emerîkayê Heather Nauert got; "Em dixwazin di navbera herdu aliyan de diyalog hebe û ji bo jinûvevekirina balafirgehan fişarên me li ser Bexda didome."

A+A-

Nauert tekez kir, ku ewê fişarê li ser Bexdayê bikin da ku balafirgehên Herêma Kurdistanê veke.

Heather Nauert, derbarê diyarkirina şandiyekî ji bo gotûbêjên di navbera Hewlêr û Bexdayê de ragihand: “Bêguman ew hizir gihiştiye me, ku em şandiyekê taybet destnîşan bikin. Lê bi baweriya me ev pirsgirêkeke navxweyî ye û divê li navxwe çareser bikin.  Di navbera Hewlêr û Bexdayê de kar li ser bê kirin. Em hest nakin ku pêwîstî bi navbeynkariya Amerîkayê hebe, yan pêgeyekê nû biavêjin. Ji nêzîk ve peywendiyên me li gel Kurd û her wiha hikûmeta Iraqê hene, em bi berdewamî ji bo dest pê kirina gotûbêjan hêsankariyan dikin.”

 

Tê dîtin van rojên dawîn, di serî de DYA û welatên Rojavayî, berê xwe didin Kurdistanê. Her wiha Balkêş e ev fişara Emerîka li ser Bexdayê piştî rexneya Hikûmeta Kurdistanê li ser girtina balafirgehan ku gotibûn ‘derveyî mirovahiyê ye’ hat.

(nerinaazad)

Ev nûçe 848 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin