Banga Civata Kurdên Schweinfurtê wiha ye:

Roj roja yekîtîya neteweyî ye, lewra, em bang dikin û dibêjin tenê em bi hev re dikarin  pêşbikevin

Pêwîst e em bê deng û dereng nemînin!

 Hêzbû û   yekrêzîya Rojavayê Kurdistanê wê bibê hêvîya gelê Kurdên Cihanê .

Em wek Civata Kurdên Schweinfurtê, dubare banga Kurdistanîyên Cihanê dikin ku werin em destê xwe bidin hev

Ji bo birîna gelê me derman bikin, ji bo êş û jana gelê me li Rojavayê Kurdistanê kêm bikin û piştgirîya îro ji hemû deman pêwîstir û girîngtir e.

Werin em hemû piştgirîya aborî, dîplomasî û sîyasî bo Rojavayê Kurdistanê ragihînin û dereng nemînin!

Me, wek Civata Kurdên Schweinfurtê, alîkarîya aborî ji 19 malbatên ku li Rojavayê Kurdistanê re şand û gihand destên wan. Herwiha ji bo berdewamîya  piştgirîyan hewldanên me berdewamin

Banga me ji  bo hemû komele, kesayetîyên Kurd û Kurdistanîyên cîhanê ye.

Werin, pêwîstîya Rojavayê Kurdistanê bi alîkarîya we heye!

Werin, em wê pêngavê bi hev re xurt bikin

Kurdische Geminde Schweinfurt.e.V