• Diyarbakır 4 °C
  • Batman 5 °C
  • Hakkari -1 °C
  • Şırnak 3 °C
  • Ağrı -2 °C

Ji bo fotbolîstê Kurd Denîz Nakî 5 sal ceza

Ji bo fotbolîstê Kurd Denîz Nakî 5 sal ceza
Di îdîanameyê de hatiye gotin ku, Nakî li ser navnîşana xwe ya Facebook û Twitterê, bi 7 parvekirinên cuda, propagandaya terorê kiriye.

Di derbarê lîstikvanê Amedsporê Denîz Nakî de, bi tometa ku “liser torên civakî propagandaya terorê kiriye” Serdozgeriya Komarê ya Dîyarbekirê, derbarê wî de doz vekir û daxwaza 5 sal ceza girtinê kir.

Di îdîanameyê de hatiye gotin ku, Nakî li ser navnîşana xwe ya Facebook û Twitterê, bi 7 parvekirinên cuda, propagandaya terorê kiriye.

Li gor serdozerî di îddîanameya xwe de gotîye; Nakî di Facebook û Twittera xwe de du zarokên Filistînî ku ji alîyê leşkerên Îsrailê ve hatine kuştin parve kiriye û wan wek ku li Cizîrê hatibin kuştin destnîşan kiriye.

Peyama Denîz Nakî ya herî deng vedabû ew bû ku; di 31ê Çileya 2015ê, di çarçoveya Kûpaya Zîraat a Tirkiyê de, Amedspor li hember Bursasporê bi 2-1 serketibû. Nakî li ser vê yekê li ser hesabê xwe yê tora civakî de nivîsandibû, “Em vê serkeftinê pêşkeşî wan kesan dikin ku li hember zulma li welatê me tekoşînê dikin û canê xwe feda dikin. Her bijî Azadî.”

Ev nûçe 975 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din