James Jeffrey hate Tirkiyê

James Jeffrey hate Tirkiyê

Nûnerê Taybet ê Amerîkayê yê bo karûbarên Sûriyê, James Jeffrey gihîşt Enqerê û dê bi berprisên Wezareta Derve ya Tirkiyê re bicive.

A+A-

Li gor medyayên Tirkiyê, Jemes Jeffrey piştî serdana xwe bo Urdinê gihîşte Enqerê û dê di derbarê geşedanên herî dawî yên Sûriyê û krîza li wî welatî çend hevdîtin û civînan bi rayedarên Tirkiyê re pêk bîne.

 

Nûnerê Amerîkayê yê bo karûbarên Sûriyê herwiha dê bi Wezîrê Derve yê Tirkiyê Mevlut Çavuşoglu re jî bicive û rewşa Sûriyê û geşedanên li wî welatî pê re gotûbêj bike.

 

Di destpêka vê heftiyê de, James Jeffrey di konferanseke rojnamevanî de ragihandibû, ku danûstandinên Astanayê bê encam bûne û ti serkevtin bi dest nexitine.

 

Ew daxuyaniya Jeffrey rastî berteka tund a Wezîrê Derve yê Tirkiyê Mevlut Çavuşoglu hatibû û Çavuşoglu di bersivê de gotibû, berdewamiya proseya siyasî li Sûriyê û parastina agirbesta li wî welatî di encama danûstandinên Astanayê de bûye.

 

Çavuşoglu herwiha diyar kiribû: “Daxuyaniya wî cihê xemgîniyê ye. Ez bawer nakim ku ev nêrîna Jeffrey bi xwe be, berovajiyê wê me dê helwesta xwe hebe.”

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin