Îranê sînorên Başûr topbaran kir – Kuştî û birîndar hene

Îranê sînorên Başûr topbaran kir – Kuştî û birîndar hene

Îranê deverên sînorî yên Başûrê Kurdistanê da ber topan, herî kêm sivîlek hat kuştin û çend sivîl jî birîndar bûn.

A+A-

 
Îranê deverên sînorî yên Başûrê Kurdistanê da ber topan, herî kêm sivîlek hat kuştin û çend sivîl jî birîndar bûn.
Îro danê nîvro pasdarên Îranê bi behaneya hebûna pêşmergeyên Rojhilatî, deverên Berbizin, Helgord û Kêlaşîn yên Başûrê Kurdistanê, ku li ser sînorê Rojhilat in, da ber topan.


Li gorî agahiyan, di encama wê êrişê de keçikek bi navê Zeytûn Qadir hat kuştin û 2 kes jî birîndar bûn. Kuştî û birîndar hemû endamên malbatekê ne. 


Ji aliyekî din, tê gotin ku Îranê dest bi topbarankirina devera Balekayetî ya Başûrê Kurdistanê jî kiriye.
Duhî li bajarê Pîranşar yê Rojhilatê Kurdistanê sê pasdarên Îranê ji aliyê pêşmergeyên Rojhilatî ve hatibûn kuştin. Piştî wê rûdanê fermandeyekî pasdaran gefa tolvekirinê li pêşmergeyên Rojhilatî xwaribû.
 
 
 

Ev nûçe 67 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin