Îranê erîş bire ser Biradost û Hecî Omeranê û li Silêmanî teqe li Baregeha  Komeleya Şoreşgêrên Zehmetkêşên Kurdistana Îranê hate kirin!

Îranê erîş bire ser Biradost û Hecî Omeranê û li Silêmanî teqe li Baregeha Komeleya Şoreşgêrên Zehmetkêşên Kurdistana Îranê hate kirin!

Topxaneyên Supaya Pasdaran a Îranê dest bi topbarankirina deverên sînorî yên biradost kirine. Rêveberê Bajarokê Sîdekanê dibêje: “Ji ber topbaranê heta niha 200 malbat aware bûne.”

A+A-

Supaya Pasdaran a Îranê topxaneyên xwe li Rojhilatê Kurdistanê bi cih kiriye û ji destpêka meha Îlonê ve her roj devera Biradost topbaran dike.

 

Bû heftek Îran bi şev û roj deverên Balekayetî û Biradost ên li sînorê Hewlêrê bombebaran dike. 200 malbat ji gundên xwe aware bûn û nêzîkî 250 donim rez û baxên xelkê şewitîn, herwiha Tirkiye jî bi firokeyan bombebaran dike.

 

Li aliyekî din hat gotin, ji îro sibê ve pasdarên Îranê deverên Xireberd, Kunerê, Gomehîşk û Binberdereşan yên derdora gundê Gundejorê yê Hacî Omeranê didin ber topan.

Pasdarên Îranê bi behaneya hebûna hêzên Rojhilatî, wan deveran didin ber topan.

Ev mideyek e pasdarên Îranê deverên sînorî yên Başûr didin ber topan. Heta niha ziyanek gihîştiye xelkê wan gund û deveran.

îran-basur-topbaran.jpg

Li aliyekî din, şeva bihorî li Taxa Bekreco ya Silêmaniyê, teqe li baregeha pêwendiyan a Komeleya Şoreşgêrên Zehmetkêşên Kurdistana Îranê hatiye kirin. Heta niha zelal nebûye, ku kesên teqeker kê bûne û bi çi armancî baregeha Komeleyê dane ber guleyan.

 

Derbarê vê bûyera teqekirinê de jî, Berpirsê Ewlehiya Komeleya Şoreşgêrên Zehmetkêşên Kurdistana Îranê, Dara Qureyşî ragihand: “Şeva Duşemî li ser Sêşemiyê di demjimêr 01:00ê şevê de çend çekdarên nenas di nava otomobîlekê de li Taxa Bekreco ya Silêmaniyê teqe li baregeha me ya Pêwendî û Dîplomatîk kirin, ku hevdem cihê nîştecihbûna xelkê me yê sivîl e jî.”

 

Dara Qureyşî got, li ser vê bûyerê wan guman heye ku “Îranê û aliyên girêdayî Komara Îslamiya Îranê dest hebûbin, daku şerekî derûnî li gel partiyên Kurdî dest pê bikin.”

reqe-silêmanî.jpg

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin