Şêwirmendê Xaminêyî, Elî Ekber Wilayetî di konferansekê de li Tehranê, Amerîka bi avakirina DAÎŞê tohmetbar kir û got Amerîkayê DAIŞ ava kir da ku rûyê îslamê reş bike.

 

Wilayetî anî zimên, Îranê çawa bajarê Bûkemal ê Sûriyê ji destê Amerîka û DAIŞê derxist dê Reqayê jî ji destê Amerîka derxîne û got:

“Amerîka li Sûriyê 12 navendên serbazî vekiriye û dixwaze 10 hezar serbazên xwe li wir bicîh bike lê divê Amerîka bizane ku çawa ji Bûkemal hat derxistin dê ji Reqayê jî were derxistin.”

 Wîlayetî wisa pê de çû: “Amerîka û welatên parêzvanên siyonîstan divê vê yekê bizanin, ku dê ji Reqayê jî werin derxistin. Xeyala wan ew bû ku li Elbû Kemal bimînin lê pêk nehat. Wan dixwest bi mayîna li Ebû Kemalê peywendiya Tehran, Şam, Beyrût û Bexdayê qut bikin lê nekarîn xwe dilxweş bikin.”