• Diyarbakır 21 °C
  • Batman 20 °C
  • Hakkari 16 °C
  • Şırnak 20 °C
  • Ağrı 14 °C

Îran: 5 hevwelatiyên Mesîhî yên girtî ne di ”Êvînê” de ne!

Îran: 5 hevwelatiyên Mesîhî yên girtî ne di ”Êvînê” de ne!
5 hevwelatiyên Mesîhî bi navên, Ramnîl Bit Temerz, Emîn Nadir Efşar, Hadî Eskerî, Mihemed Dêhnewerdî, û Emîr Sîna Deştî, digel hevjînên xwe çûne Fîrozkûhê li parêzgeha Tehranê

Serbarê derbazbûna hefteyekê bi ser destbiserkirina 5 hevwelatiyên Mesîhî ên girtî di Fîrozkûhê de, tu zanyariyek li ser cihê veşartina wan tuneye. 

Li gora nûçegihaniya HRANA, malbatên wan jî ragehandine ku me zanyarî li ser cihê wan tuneye, herçend bi wan hatiye ragehandin ku ew girtî di Girtîgeha Êvînê de ne. Lê piştre berpirsyarên girtîgehan, hebûna navên wan di girtîgehan de ret dikin. 

5 hevwelatiyên Mesîhî bi navên, Ramnîl Bit Temerz, Emîn Nadir Efşar, Hadî Eskerî, Mihemed Dêhnewerdî, û Emîr Sîna Deştî, digel hevjînên xwe çûne Fîrozkûhê li parêzgeha Tehranê de, lê li wir karbidestên Wezareta Îtila’atê êrîşî ser wan kirin, û mêr û jin ji hevdu veqetandin, û hevwelatiyê bi navê Nadir Efşar kete ber lêdana wan. Hêjayî basê ye ku Ramnîl kurê rêberê pêşîn ê kilîsaya Aşûrî ye, ku pêştir jî hatibû destbiserkirin.

Malbatên wan girtiyan ragehandin ku em heya dîtina zarokên xwe bê deng nabin, û emê serdana her cihekî bikin. 

Di bin deshilatdariya rejîma Îranê de, berdewam mafê mirovan tê binpêkirin, û gellek caran bi vî awayî bi bê dadgehîkirin û selimandina tohmeta kesekî, tê girtin û bo cihên nediyar têne veguhastin.

KMedia

Ev nûçe 444 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din