ÎHDyê hişyar kir: 1333 zindanîyên nexweş li ber mirinê ne!

ÎHDyê hişyar kir: 1333 zindanîyên nexweş li ber mirinê ne!

Rewşa girtîyên nexweş her ku diçe xirab dibe. Li gor Komeleya Mafên Mirovan hezar û 333 girtîyên nexweş li ber mirinê ne.

A+A-

Lijneya Zindanan a Navendî ya Komeleya Mafên Mirovan (ÎHD) di derbarê nexweşên li girîtgehan da, li Amedê daxuyanîyek da.

Di daxuyanîyê de Parêzer Zeynep Ceren Boztoprak da zanîn ku li gor raporta rojanekirî, di zindana de 1333 girtîyên nexweş hene ku rewşa tenduristîya 457ên wan giran e û wisa pê de çû:

"Bi hezaran mirovên nexweş û li ber mirinê li zindanên vî welatî girtî ne û ji ber astengîyên burokratîk û zehmetîyên yasayî, nexweş ji girtîgehan di nav tabûtan de derdikevin ku ev yek jî êdî bûye îşkence."

Boztoprak herwiha sepandinên tecrîdê ji rexne kir û got tecrît, cûreyek ji îşkenceyan e û divê bê rakirin.

Boztoprak anî zimên ku ji bo girtîyên nexweş divê demildest gavên pêwîst bêne avêtin û divê perwerdehîya Protokola Stenbolê bi xebatkar û bijîşkên ku li girtîgehan kar dikin re bê dayîn û xizmetguzarîya bijîşkî ya li girtîgehan divê weke xizmetguzarîya li derve be.

Ev nûçe 100 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin