Merkezê Xeberan - Datzayê Hunermendê Kurdî Seîd Gabarî, Îbrahim Gabarî aşkere kerd ke, hunermendo namdar Nêweşxaneyê Hewlêrî de şewa bîne saete 4:45 de wefat kerdo.

Gabarî qasê hewteyêk bi nêweşxane de tedawî bîyêne û rewşa weşîya ey baş nêbî.

Hunermendo Kurd Seîd Gabarî serra 1956î şaristanê Rojavayê Kurdistanî Hasekê de amebi dinya û mîyanê Kurdan de zaf amêne heskerdiş.

Gabarî qasê 50 serrî hunermendî kerd û şîîrê şarîranê namdaran Tirej û Cegerxwînî kerbî deyre û vatbî.

Hunermendo Kurd Seîd Gabarî hetêk ra zî çimanê xo ra nêvînêne û demêk mîyanê pêşmergeyan de zî mendbi. Gabarî sey “Hunermendê Şorişî” amêne naskerdene.