HSDÊ 400 DAIŞÎYÊN KU DIKIRIN BIREVIN ZEFT KIR

HSDÊ 400 DAIŞÎYÊN KU DIKIRIN BIREVIN ZEFT KIR

400 çeteyên DAIŞî ku dikirin ji Baxozê birevin, ji alîyê Hêzên Sûrîya Demokratîk ve hatin zeftkirin.

A+A-

Çavkanîyên HSDê ji BBCê re ragihandîye ku, 400 DAIŞîyên ku li Baxozê dorpêçbûyî ne, derengê şevê, dikirin bi alîkarîya qaçaxvanan, ji Baxozê birevin, ji alîyê Hêzên Sûrîya Demokratîk ve hatine girtin.

Weku tê zanîn, heftîya borî, operasyona Baxozê, ji bo veguhastina sivîl û endamên rêxistina DAIŞê hatibû rawestandin û bi hezaran sivîl ji herêmê hatibûn derxistin û bi sedan çeteyên DAIŞê jî hatibûn veguhastin. 

Tê çaverêkirin ku piştî paqijkirina herêmê, serkeftin were ragihandin lê rayedarên Amerîkî û pispor hişyariyan didin ku bi vê yekê DAIŞ naye tunekirin û divê têkoşîna li dijî DAIŞê berdewam be.

Li alîyekî din, ji vegotinên DAIŞîyên desteserkirî bi zelal3i derdikeve holê ku DAIŞîyên ji Tirkîyê tevlî refên 'Xîlafet'ê bûne, ji alîyê komeleyên Îslamî yên li Tirkîyê ve bo beşdaqrîyê hatine handan û bi rehetî sînor derbas kirine û ketine Sûrîyê. Yek ji wan DAIŞîyan dibêje ew û bavê xwe û digel 5 hevalên xwe, ji Cemaeta Kamîl Nûhoglu hatine û bi rehetî ketine Babê.

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin