HSD: 110 terorîstî ameyî tepiştene

HSD: 110 terorîstî ameyî tepiştene

HDSyî aşkera kerd ke sewîyeya yewine ya hamleya înan a vera DAÎŞî qedîyaya, cayêko bi dergîya 175 kilometreyan û bi verinîya 60 kîlometreyan ame pakkerdene. 110 kesî zî çarçewe hamle de ameyî tepiştene.

A+A-

Merkezê Xeberan - Hêzanê Sûrîyeya Demokratîke (HSD) derheqê hamleya xo ya vera DAÎŞî de beyanatêk da.

Vervatoxa Meclîsê Eskerî yê Dêra Zorê Lîlwa Abdullah beyanat wend. Beyanat de vajîya ke, hamle 4ê hezîrana 2020î de başûrê Hesekê ra heta herêma Deşîşa ya sînorê Iraqî û herêma Baxozî ra hetanî erdê Dêra Zorê cayêko hîra de ame kerdene.

''Safhaya verêne ya hamle 10ê hezîrane de qedîya. Hêzanê ma hêzanê Koalîsyonê Mîyanneteweyî û hukmatê Iraqî reyde seba peydakerdişê aramîya herême û pawitişê şarî vera hucreyanê DAÎŞî warêkê bi dergîya 175 kilometreyan û bi verine ya 60 kîlometreyan pakî kerd ke tede tewr tay 150 dewe û baxçeyî estê.

Hêzanê Komandosî û Koalîsyonî eşt 65 baregehanê hucreyanê DAÎŞî. Netîceya operasyon û pakîkerişî de hêzanê ma 110 terorîst û kesê şikdarî tepiştî.

Heman wextî de hêzanê ma dest na xeylêk çek, madeyanê teqaberan ser. Operasyonêk de ekîpêka ma hucreyanê DAÎŞî reyde rî bi rî mende la rewşe gêrîyaye binê kontrolî. Zerarêk nêresa hêzanê ma.''

 

Ev nûçe 226 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin