Hîkayeyê 12 nuştoxanê Ermenîyan ê ke 1936î de weşanîyayê bi latînî ameyê weşanayîş.

Hîkayeyê 12 nuştoxanê Ermenîyan ê ke 1936î de bi alfabeya kirîlî ameybî weşanayîş, bi alfabeya latînî ameyê weşanayîş. Ermenîstan de 1936î de bi nameyê ‘Nivîskarê Şewra Ermenia’ kitabêk weşanîyaybi. Ferît Demîrelî nê kitabî ra hîkayeyanê 12 nuştoxan bi latînî hedre kerdê û çap kerdê. Kitab bi nameyê ‘Çîrokên Şewra Ermenan’ ameyo weşanayîş. Kitab Weşanxaneyê Cervantesî ra vejîyayo.

Reya verêne bi latînî çap bîyê

Wextê Sovyetan de seba ke şarî aver şorê û kulturê xo bişinasnê projeyi ameyêne viraştene. Bi nê fikrî înan waştêne mektebanê Kurdkî akerê û kitabanê Kurdkî çap bikerê. Na projeya ‘Nivîskarê Şewra Ermenia’ zî bi tedeyîya nê fikrî vejîyaybî. Kitab derheqê komela ê wextî de û têkilîya Ermenîyan û Kurdan ser o malûmatanê muhîman dano ma û derheqê dewrê Sovyetan de çimeyêko muhîm o.

Bîanet