Hêzên Pêşmerge û asayişa Kurdistanê li devera Germiyan dest bi operasyonekê li dijî DAIŞê kirin.

Îro danê hêzên Pêşmerge û asayişa Kurdistanê li nahiya Kuleco ya bajarê Kifrî dest bi operasyonekê li dijî DAIŞê kirin.

Fermandeyekî Pêşmerge li ser wê operasyonê gotiye, piştî êrişa çend roj berê ya DAIŞê li Kuleco, wan biryar dan vê operasyonê pêk bînin, ji bo ku êrişên wisa dubare nebin.

Wî fermandeyê Pêşmerge daye zanîn, tenê hêzên Pêşmerge beşdarî wê operasyonê bûne, ti hêzeke Iraqî tevlî wê nebûye.

Destpêka vê mehê, terorîstên DAIŞê li nahiya Kuleco ya Kifrî êrişî hêzên Pêşmerge û asayişê kiribûn, di encamê de 2 pêşmerge û du karmendên asayişê û welatiyekî sivîl jî canê xwe ji dest dabûn û 7 kes jî birîndar bibûn.