Hewler de karmendanê Konsolosxaneyê Tirkiya rê pê sîlehan hêriş virazîya. Hêriş de 3 karmendê Konsolonsxaneyê Tirkîya amê kiştene. Goro ke vajîya mîyanê kişteyan de yew dîplomatê Tirkîya zî esto. 

 
Paytaxtê Herêma Kurdistanî Hewlêr de karmendanê Konsolosxaneyê Tirkiya wexto ke restorantêk de nan werdêne rastê hêrişê çekdarî ameyî.

Aşkera bi ke, hêriş de 3 karmendê konsolonsxaneyî amê kiştene. Vajîya ke mîyanê hîrê kesan de yewê xo dîplomatêko Tirk o.

Hedîse ra dima xeylê hêzê asayîşî sewqê cayê hedîse bîyî, rayîrê ke şinê Hewlêr-Silêmanîye û Hewlêr-Kerkuk zî amê qefilnayîş. Goro ke vajîya kesê ke hêriş kerde înan ser o kince sîvîlî estbî.