Helîkopteranê Tirkîya Herêma Kurdistanî de da wesayîtêkê PKK ro. Qaso ke vajîya bombardumanê helîkopteran de 2 mîlîtanê PKK merdê.

Goro ke vajîya, helîkopterê Tirkiya nehîyeya qezaya Sorane Sîdekan da bombeyan ver û bombarduman ra pey mabênê hêzê eskerî yê Tirkîya û mîlîtananê PKK de şer û pêrodayîş vejîya.

Îdarekerê Nehîyeya Sîdekanî Îhsan Çelebî Medyaya sosyale ser o  aşkera kerd ke, Helîkopterê Tirkîya, wesayîtêkê PKK dayo bombeyan ver û bombarduman de 2 şervanê PKK merdê. Seba ke mabênê PKKîyan û eskeranê Tirkîya de herêma de şer vejîyayo zî dewanê Kolît, Deraw, Bêrikme û Jîlya de zî ceyran amo birnayîş.

Seke zanîyeno nê rojan de mabênê PKKîyan û eskeranê Tirkîya de şerr û pêrodayîş zêde bîyo.