Merkezê Xeberan- Hemşaredarê Partîya Demokratîkî ya Şaran (HDP) yê qezayanê Bêgir, Qelqelî û Elbakî yê Wanî amey tepiştene.

Hemşaredarê Bêgirî Yilmaz Şalan, Hemşaredarê Qelqelî Yakup Almaç û Hemşaredarê Elbakî Erkan Acar sereştişê keyeyan de amey tepiştene. Hemşaredarî neqlê Mudirîya Asayîşî ya Wanî bîyî.

Amed de zî endama Meclîsê Şaredarîya Baglarî Naşide Buluttekin Can a ke wezîfeyê ci amebi xespkerdene û herinda ci de qeyûm amebi cakerdene, ameye destbenderkdene.