• Diyarbakır 5 °C
  • Batman 5 °C
  • Hakkari -3 °C
  • Şırnak 1 °C
  • Ağrı -5 °C

Heger li Tirkiyê kurdekî 49 tirk bikusta û 53 kes jî birîndar bikira nuha li Tirkiyê halê kurdan çi bû?

Heger li Tirkiyê kurdekî 49 tirk bikusta û 53 kes jî birîndar bikira nuha li Tirkiyê halê kurdan çi bû?
Ferqa civatên medenî û ne medenî

Zinarê Xamo

Heger li Tirkiyê kurdekî 49 tirk bikusta û 53 kes jî birîndar bikira nuha li Tirkiyê halê kurdan çi bû?

Omar Saddiqui Mateenê musilman û afgan, li Emerîkayê 49 însan kuştin û 53 heb jî birîndar kirin. Ev qetlîama hovane ya ji alî yek kesî ve hate kirin di tarîxa Emerîka da qetlîama herî mezin e.

Heta nuha kesî êrîşî malbata qatil Omar Saddiqui Mateen nekiriye, bavê wî, ferdên malbata wî lînc nekirine, malên wan neşewitandine.

Ji ber vê qetlîama hewqasî mezin emerîkiyan, kesên xiristiyan êrîşî musilmanan nekirine, pozê musilmanekî, afganekî, îslamîstekî, meleyekî musilman xîn nekirine.

Bavê qatil di bin çavdêriya polîs da li ma xwe rûniştiye û rehet rehet beyanan dide telewîzyonan û bersîva pirsên rojnamevanan dide. Li gel ku bavê qatil jî wek qatil li dijî kesên homoseksul e û wî jî di axaftineke xwe da gotiye ”Xwedê ewê homoseksuelan ceza bike”, lê dîsa jî heta nuha kesî neçûye ew lînc nekiriye.

Ev yek jî mezinî û medeniyeta, demokrasiya Emerîka û Xerbê nîşan dide. Musilmanan di van çend salên dawî da li Emrîka û li Ewrûpayê bi sedan cînayetên wiha kirin, bi hezxaran xiristiyan, kesên siwîl kuştin, lê ji ber van êrîş û cïnayetên terorîstî li tu weletî kesî êrîşî msilmanan û îslamîstan nekiriye, ew lînc nekirine, mal û dikanên wan neşewitandine.

De îcar bifikirin, heger kurdekî wek Omar Saddiqui Mateen, li Tirkiyê qetlîameke wiha mezin bikira, 49 kes bikuşta û 53 kes jî birîndar bikira, gelo tirkan ewê çi bianiya serê kirdan?

Gelo tirkan heta nuha ewê çend kurd lînc kiribûna, çuqas dikan û malên kurdan talan kiribûn û şewitandibûna?

Heger kurdekî wek Omar Saddiqui Mateen li Tirkiyê qetlîamake wiha kiriba nuha li Tirkiyê belkî xwîn dimeşiya.Nuha dewletê bi xwe jî fermana kurdên Tirkiyê rakiribû.

Bira qetlîameke wiha mezin li wir bimîne, cenazeyê leşker û polîsekî diçe kîjan bajarî, li wir fermana kurdan radikin.

Li gel ku ew di şer da hatine kuştin, ji bo şer çûne Kurdistanê û di şer da hatine kuştin.

Lê dîsa jî tirk êrîşî kurdên wî bajarî dikin, gelek caran wan lînc dikin, mal û milkên wan talan dikin û dişewitînin. Ji ber ku kurd in.

Lê Emerîka, civatên xerbî ne wiha ne, civatên medenî ne, sûc ferdî dibînin, miletê kesê sûcdar ji qetlê û ji sûc berpirsiayr nabînin, baweriya xwe bi dewletê û bi qanûnan tînin.

Lê li Tirkiyê ne dewlet û ne jî milet wiha difikire. Ev jî nîşan dide ku civatên xerbî, civatên xiristiyan ji civat û miletên musilman gelkî medenîtir in. Lema jî piştî qetlîamên wiha kes êrîşî kesî nake. 
A ev jî ferqeke mezin ya civatên medenî û ne medenî ye…

Ev nûçe 567 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din