Fransa: Ma dosyaya Tirkîya amade kerde
Wezîrê Karanê Teberî yê Fransa Jean Yves Le Drîanî pare kerd ke menga êlule de rojdemê kombîyayîşê Yewîya Ewropa do Tirkîya bibo û ê do tedayan ser o vinderê.
A+A-
Kombîyayîşê Konseya Ewropa yo ke serekwezîr û serekkomarê pêro welatan tewrê ci benê, 24-25ê êlule de do bêro kerdene.
Wezîrê Karanê Teberî yê Fransa Jean Yves Le Drîanî radyoyê France Interî reyde qisey kerd û vat: ''Peynîya êlule de ma kombîyayîşê Konseya Ewropa de dosyaya Tirkîya ser o do vinderê. Seba ke ma bieşkê tedayanê tirkîya rêz bikerê çend rojî verê cû Berlin de na dosya amade kerde.''
Mabênê Fransa û Tirkîya de Dengizê Sipî ser o alozîyêk esta.
Wezîrê Karanê Teberî yê Fransa Jean Yves Le Drîanî vat: ''Ma Tirkîya rê vanê ke Konseya Ewropa de Rojhelatê Dengizê Sipî ser o nîqaş bikerê. Ma eşkenê tay tedbîran bigêrê. Ma bêçare nîyê û Erdogan zî naye zaneno.''
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin