• Diyarbakır 25 °C
  • Batman 24 °C
  • Hakkari 16 °C
  • Şırnak 20 °C
  • Ağrı 14 °C

Fîlma kurdî 'Rûmet' bo Festivala Cannesê hat hilbijartin

Fîlma kurdî 'Rûmet' bo Festivala Cannesê hat hilbijartin
Fîlma Loran Medya Productionsê "Rûmet" bi derhêneriya Kamiran Bêtasi, di Festîvala Cannesê de ji bo "Beşê Kurtefîlman | Short Film Corner" hate hilbijartin.

Çêkera Fîlmê Rûmet û yek ji berpirsiyarên Loran Medyayê Narîn Nadîrovayê li ser hilbijartina fîlmê Rûmet ji Rûdawê re wiha got: "Ji bo me serfiraziyeke mezin e ku fîlmê me, li vê festîvala mezin û navdar bi zimanê kurdî were nîşandan. Emê hewl bidin bi du kesan li wir beşdar bin." 



Hêjayê gotinê ye ku Festivala Cannesê 8ê Gulanê destpê dike û heta 19ê Gulanê berdewam dike. Fîlm wê di wan rojan de di beşê kurtefîlman de û li ser înternetê jî ji mêvanên festîvalê bi şifreyeke taybet were nîşandan. 



Salihê Kevirbirî yê ku ew jî berpirsiyarê Loran Medyayê û menejerê veberhênaniya fîlmê Rûmet e bi van hevokan behsa naveroka fîlm dike: "Fîlmê Rûmet behsa boyaxkarê pêlavan Findiyê 75 salî ku rengan ji hev dernaxe û zarokê bi navê Reşko dike ku li ber destê çayciyekî kar dike û di warê rengan de alîkariya Findiyê kal dike."
 

Bûyer û mijara fîlm rast e, li Zaxoyê derbas dibe û jiyana kesên heyî di fîlm de hatiye nîşandan. Fîlm ji deh xulekan pêk tê. 

Ev nûçe 4024 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din