Westayê erbaneyî yo Dîyarbekirij Yûnûs Yoldaş vano, “Zerra mi qebul nêkena ke no vîndî bo.”

Erbane muzîkê rojhelato mîyanênî û muzîkê Kurdan de wayîrê cayêkî taybetî yo. Pîyê Yûnûs Yoldaşî Zulfî Yoldaş zî wesatyê erbaneyî bi. Badê mergê ey, no kar hetê lajê ey Yûnûs Yoldaşî ra yeno kerdene. Kargeha înan mîyanê Sûrî de yo. 

‘Zerra mi qebul nêkena’

Westayê erbaneyî Yûnûs Yoldaşî va, “Ez nê karî pîyê x ora musaya. Westayê mi pîyê min o. Verî cû Dîyarbekirî de wesayê erbaneyî çin bi. Pîyê mi no kar musa û Dîyarbekir de dest bi viraştişê erbaneyan kerd. Pîyê mi dest ra xeylê wendekarî rasayê. La çi heyf ke mîyanê wextî de qîmatê nê karî kewt. Ganî viraştişê erbaneyan merkezanê perwerdeyî de bêro musnayene. Ez wazena kargeha xo hîna bikerê, karê xo aver de berê û nê karî bimusnî ciwanan. Ez erbaneyanê xo ekserî medyaya sosyale ser ra roşena. Ekserî ez gozêre şuxilnena. Ez nêwazena kare viraştişê erbaneyan vîndî bo. Raşta zî zerra mi qebul nêkena.”

TÎGRÎS HABER