Erdoganî îstîfakerdişê Suleyman Soyluyî qebûl nêkerd
Wezîrê Karanê Zereyî yê Tirkîya Suleyman Soylu vîzîr îstîfa kerdbi, la serekomarê Tirkîya Recep Tayyîp Erdogan îstîfaya ey qebûl nêkerd.
Merkezê Xeberan - Hukmatê Tirkîya roja Îne şewe semedê peynîya hewteyî 31 bajaran de qedexeya vejîyayîşê teberî îlan kerd û naye ser vernîya firin û marketan de îzdîxan virazîyabi.
Ê dîmenan ra dima, semedo ke hukmat qerarê qedexeyî bi sûcdarîya ‘’ erey qerar dayo’’ amebi rexnekerdiş.
Suleyman Soyluyî naye ser beyanat da û,mesulîye girewt xo ser û qerar da ke îstîfa bikero.
Suleyman Soyluyî Serekomar Erdoganî ra waştbi wa ey efû bikero.
La Serekkomar Recep Tayîp Erdoganî 3istîfaya Suleyman Soyluyî qebûl nêkerd û waşt wa karê xo dewam biko û wezîfeyê xo ser o bimano.
Bi no qayde Suleyman Soyluyo ke Kurdê Bakûrê Kurdistanî tira zaf aciz ê wezîfeyê xo do bidomno.
Tirkîya de heta nika qasê 57,000 kesî bi vîrusê korona kewtê û 1198 kesî virusî ra merdê.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin