Merkezê Xeberan- Serkomarê Tirkîya Recep Tayyip Erdoganî seba kişyayîşê fermandarê Hêzê Qudsî yê Îranî Qasim Sulêymanî yo ke hetê Amerîka ra amebi kiştiş xemgînîya xo îzeh kerd û va, na kerdena Amerîka do Amerîka rê nêmana!

Serkomarê Tirkiya Recep Tayyip Erdogan şewa bîne beşdarê weşanê zindî yê Kanal D û CNN Turkî bi ciwab da persanê rojnamegeran.

Recep Tayyip Erdoganî kişyayîşê Qasim Sulêmanî ser o va:  "Seba kêmkerdişê pêrodayîşê mabênê Amerîka û Îranî ma heta ewro xîret kerd. La çi heyf ke na mesela safî nêbîya û hîna giran bîya. Amerîka bîya sebeb ke nika Iraq de têmîyanbîyayîş esto.”

Erdganî wina dewam kerd. Ma kişyayîşê Qasim Sulêymanî nêzdî ra teqîp kenî. No kar, do tîya de nêqedîyo hîna. Kişyayîşê fermandarêkê dewletêk, ez wina fikrîyena ke do bê ciwab nêmano."

Serkomarê Tirkiya da zanayîş ke Serekê Amerîka Donald Trumpî dir bi telefon qisê kerdo û 4-5 saete badê cû Qasim Silêmanî amo kiştiş û wina va: "Wina aseno ke hêriş amebi plankerdiş. Key ke ma pêhesyay ma mat mendî."