Erdlerzê Îzmîrî yê bi şîdetê 7 kerd heta nika 24 kes merdî û 804 kesî birîndar bîyî. Şaristan de erdlerzê qijî zî dewam kenê.

Vizêr xetanê Dengizê Ege de erdlerz virazîya û tesîrê erdlerzî Îzmîr û dormeyê ci de bi şîdetê 7 xo mojna ra.

Afet û Îdareyê Rewşa Lezgîne (AFAD) da zanayene ke heta nika Îzmîr de 24 kesî merdî. Goreyê AFADî Îzmîr de 743,  Manîsa de 5, Balikesîr de 2 Aydin de 54 bîtemamî 804 kesî birîndar bîyî. Şaristande tewr tay 20 bînayî binî ra rijîyayî. Dîya zanayene ke 9 bînayî de xebata cigêrayîşî û xelasnayîşî qedîyaye.

Xebatacigêrayîş û xelisnayîşê merdiman  bînayanê bînan de dewam kena.

Hetê bînî ra Afyon, Bursa, Sakarya, Kutahya, Eskîşehîr, Çanakkale, Denîzlî, Konya, Manîsa, û Uşak rê zî tîmê AFADî erşawîyayî.

Erdlerzê Ege tesîrê girawa Samosî ya Yunanîstanî zî kerdbi û erdlerzê Samosî de zî 2 domanî merdbî.

Goreyê AFADî saete 04:00 ra dima 341 erdlerzê qijî qewimîyayî.