• Diyarbakır 14 °C
  • Batman 17 °C
  • Hakkari 5 °C
  • Şırnak 15 °C
  • Ağrı 8 °C

"Erdhejê zîyana canî û madî gîhand gelê me yê Rojhilat û Başûrê Kurdistanê"

"Erdhejê zîyana canî û madî gîhand gelê me yê Rojhilat û Başûrê Kurdistanê"
Daxuyanîya Buroya Çapemenî û Ragehandinê ya PAKê di derbarê erdhêja Kurdistanê de

"Şeva 12yê Mijdara 2017an li Rojhilat û Başûrê Kurdistanê erdhejeke bihêz rûda.

Erdhej li Rojhilatê Kurdistanê herî zêde li bajarê Kîrmanşahê, li Başûrê Kurdistanê jî li Bajarên Helebçe û Derbendîxanê ziyana canî û madî gihand gelê me.

Li Rojhilatê Kurdistanê nêzîkî 330  kesan, li Başûrê Kurdistanê jî 7 kesan jiyana xwe ji dest dane.Li Rojhilatê Kurdistanê ji zêdetirî 2600 kesan, li Başûrê  Kurdistanê jî ji zêdetirî 300 kes birîndar bûne.

Li gorî Navenda Jeolojiya Amerîkayê bihêziya erdhejê 7.5 Rêxterê bûye.

Erdhej li gel  Bajarên Rojhilat û Başûrê Kurdistanê, li gelek bajarên Bakur û Rojavayê Kurdistanê û li gelek welaten Rojhilata Navîn  jî hate hest pê kirin.

Xwedê hemû qurbanîyên erdhejê bi rehma xwe şad bike. Cîhê wan bihuşt be. Serê malbatên qurbanîyan û yê gelê me sax be.

Em bangî xêrxwazan dikin ku bi rêya dezgehên resmî û sivîl yên Başûrê Kurdistanê alîkarîyên xwe bigihînin mexdûrên erdhejê yên li Rojhilat û Başûrê Kurdistanê." 

Ev nûçe 553 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din