Navenda Nûçeyan - PYDê ji duhî ve li bajarokê Rimêlanê kongreya xwe ya 8emîn bi dirûşma "Bi yekitîya demokratîk em ê dagirkerîyê têk bibin, Rêveberîya Xweser bi pêş bixin û Sûrîyeke demokratîk ava bikin" encam dide.

Di kongreyê de îro piştî pesendkirina Tuzuka Navxweyî, Enwer Muslim û Ayşe Hiso wek hevserokên nû yê partîyê hatin hilbijatin.

Enwer Muslim di sala 1976an de li bajarê Kobanî jidayîk bûye û li bajarê Helebê beşa hiqûqê qedandîye û di sala 2005an de, xwe di Sendîqeya Parêzeran a Helebê de tomar kir û beşdarî xebatên mafên mirovan bûye.

Herwiha Enwer Muslim wekî Serokê Meclisa Rêveber a Kantona Kobanî jî hatibû hilbijartin.

Eyşe Hiso di 7ê Gulana 1978an de li gundê Şêx Xurzê yê navçeya Bilbilê ya Efrînê ji dayîk bûye. Astên xwendinê yên seretayî, navîn û amadehî li bajarê Helebê xwendîye.