ENKSê di Roja Cîhanî ya Mafê Mirovan de daxuyaniyek belav kir. Di daxuyaniyê de, kiryar û binpêkirinên çekdarên opozisyona Sûriyê li Efrînê, Girê Spî û Serê Kaniyê şermezar kir û daxwaza dadgehkirina tawanbaran kir.

Encûmena Niştimanî ya Kurd li Sûriyê (ENKS), ji bo Roja Cîhanî ya Mafê Mirovan daxuyaniyek belav kir û tê de binpêkirinên hêzên hikûmeta Sûriyê di mafê xelkê sivîl de û kiryar û binpêkirinên çekdarên opozisyona Sûriyê, li Efrînê, Girê Spî û Serê Kaniyê, yên di derbarê mafên Kurdan de şermezar kir û daxwaza rawestandina wan kiryaran û cezakirina tawanbaran dike.

ENKSê herwiha di daxuyaniya xwe de eşkere dike, ku ew careke din binpêkirinên dezgehên ser bi PYDê ve jî, ji nehiştina azadiya siyasî girtinê û birina zarokan şermezar kir û daxwaza rawestandina wan karan kir.

Encûmena Niştimanî ya Kurd li Sûriyê ENKSê, daxwazê ji saziyên Neteweyên Yekbûyî û yên mafên mirovan jî dike, ku fişarê li rêjîma Sûriyê bikin, da ku girtiyên siyasî serbest werin berdan.