Encûmena Niştimanî ya Kurd li Sûriyê (ENKS) bi daxuyaniyekê diyar kir, aliyê Amerîkî tekeziyê li ser çareserkirina nakokiyên ENKS - PYNKê dike.

Desteya Serokatiya ENKSê di daxuiyaniyekê de destnîşan kir, do 17/12/2021ê şandeke serokatiya ENKSê bi awayê “Online” bi balyozê berê David Brownstein û balyozê nû Matthew Burral re civiya.

ENKSê eşkere kir: “Aliyê Amerîkî tekezî li ser rola girîng a ENKSê di proseya siyasî û rewşa giştî ya Sûriyê kir û piştgiriya welatê xwe ji diyaloga Kurdî – Kurdî û pêwîstiya çareserkirina nakokiyên di navbera wan de nîşan da.”

Di daxuyaniyê de hat zanîn: “Di civînê de rewşa herêmên Kurdî û bakurê rojhilatê Sûriyê bi giştî û rêyên alîkariya gelê Sûriyê hatin guftûgokirin.”

Herwiha ENKSê jî di civînê de tekezî li giringiya danûsatndinên Kurdî, gihîştina bi rêkeftinekê yekhelwestiya Kurdî û bicihkirina aramiyê li herêmê kir.

Di daxuyaniya ENKSê de hat diyarkirin: “Ji bo derbaskirina astengiyên heyî, tekezî li ser berdewamiya danûstandin û hevdîtinan hate kirin.”