Di daxuyaniya bangewaziya Encûmena Tenduristiyê de hat gotin, "Nexweşxaneya Avrînê ku bi sedan birîndar lê dihatin tedawîkirin û gelek doktor û hemşîre lê kar dikirin hatiye bombebarankirin."

Encûmena Tenduristiyê bang li komîteyên tenduristiyê yên navdewletî kir ku bi erka xwe bilîzin û êrîşa ser nexweşxaneyê wekî 'pêkanîna qetlîamê' hat binavkirin.

Nexweşxaneya Avrîn nexweşxaneya herî mezin a Efrînê ye ku ji destpêka operasyona artêşa Tirkiye û komên girêdayî wê ji birîndar li wir têne tedawîkirin.

Li gor nûçeyan di encama êrîşa hewayî de 15 cenaze hatine tesbîtkirin û gelek jî birîndar hene ku hîn windahiyên bombebarana nexweşxaneya Avrînê zelal nebûne.