Emerîka li ser boykotê got: Em li bendê ne

Emerîka li ser boykotê got: Em li bendê ne

Berdevka Wezareta Karên Derve ya Amerîkayê ragihand, pirsgirêkên li ser rewşa aboriya Tirkiyê beriya sepandina mueyîdeyên Amerîkayê li ser herdu wezîrên Tirk destpêkiribû.

A+A-

Berdevka Wezareta Karên Derve ya Amerîkayê Heather Nauert di civîna rojane ya çapeniyê de li ser geşedanên dawî yên di navbera Tirkiyê û Amerîkayê de nirxandin kir.

Nauert, derbarê gotina Serokkomarê Tirkiyê Recep Tayyip Erdogan ku ragihandibû: “Ew ê amûrên elektronîk yên Amerîkî boykot bikin” de, diyar kir ku ew ê li hêviyê bimînin bê ev yek wek siyasete Tirkiyê bi awayekî fermî dê bê meşandin yan na.

Herwiha Nauert destnîşan kir ku, têkiliya tengasiyên aboriya Tirkiyê bi rûdanên li gel  Amerîkayê re tune. Pêşxistina pêwendiyên di navbera herdu welatan de, bi vegera Keşe Andrew Brunson bo Amerîkayê dê pêk were.   

Heather Nauert, Rûdanên li Tirkiyê diqewimin ne encamên siyaseta Amerîkayê ye,  pirsgirêkên li ser rewşa aboriya Tirkiyê beriya sepandina mueyîdeyên Amerîkayê li ser herdu wezîrên Tirk destpêkiribû.

Nauert, li ser rewşa Brunson diyar kir, ku ew ji tu pêşveçûna hayedar e, bi Tirkiyê re peywendiyên me dewam dikin. Me hêviyên xwe bi awayekî vekirî ji Tirkiyê re ragihandiye.

Herwiha daxwaza Washingtonê ya ji bilî Brunson, derbarê serbest berdana Serdar Golge yê xebatkarê NASAyê û 3 xebatkarê balyozxaneyê jî anî ziman.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin