• Diyarbakır 17 °C
  • Batman 16 °C
  • Hakkari 11 °C
  • Şırnak 13 °C
  • Ağrı 8 °C

Emê mirinê hilbijêrin, ne serîtewandinê!

Emê mirinê hilbijêrin, ne serîtewandinê!
“Bi navê gelê Kurd daxwazê li we dikin, mafê gelê Kurd yê çarenivîsa xwe bigrin ber çav. Ew mafê ku di belgenameyên netweyên yekgirtî de cih girtîye û dibêje, her milletek mafê wî heye, ku biryarê li ser çarenivîsa xwe bide”.

Komîteya Bilind a Hevkarîya Partîyên Kurdistanî li Almanya bi beyanekê bangî azadîxwazên dinyayê, serokên welatên cîhanê sazî û dam û dezgehên navdewletî û cîhanî kir û daxwaza piştgiriya serxwebûna Kurdistanê li wan kir.

 

“Em bi navê gelê Kurd daxwazê li we dikin, berpirsîyarîya exlaqî ya xwe bi kar bînin û mafê gelê Kurd ê çarenivîsa xwe, bigrin ber çav. Ew mafê, ku di belgenameyên netweyên yekgirtî de cih girtîye, û dibêje her milletek mafê wî heye, ku biryarê li ser çarenivîsa xwe bide. Gelê Kurdistanê di vê çarçoveyê de, di 25.09.2017an de, bi pêvajoyek demokratîk û şefaf (zelal) giştpirsîya serxwebûnê pêk anî. Ji sedî 92,7 ji dengdêran dengê "belê" bo serxwebunê dan. Ne hew Kurd, her wiha Ereb û Tirkmen û Kildan û Aşurî, Misilman û Mesîhî û Êzdî di vê proseyê / pêvajoyêde beşdar bûn. Bi şahîdîya hemû çavdêrên navdewletî, li gorî hemû pîvanên cîhanî ev pêvajo proseyeke şefaf û demokratik bû.

 

"Gelê Kurd, li rojhilata naverast yek ji gelên herî kevntirîn e.  Gelekî aştîxwaz e, û xwedîyê kultur û ziman û axa xwe ye. Bi gelên din yên navçeyê re bi şêweyekî aştiyane û birayetî jîyaye û tu carî zilm li kesî nekirîye. Hew di şer û êrişên dijminan de xwe parastîye.

 

"Mixabin, piştî şerê cîhanê yê yekemîn gel û axa Kurdistanê bi ser her çar welatên Iraq, Îran, Tirkîye û Surîye ve hat par vekirin. Ji wê demê heta niha zilm li Kurdan tê kirin, bi agir hesin dixwazin gelê Kurd ji nav bibin / ji holê rakin. Bi çendîn car û şêwên cuda hatîye komkuj kirin û bi hezaran jînde hatine binax û enfal kirin.  Bi ser wî gazên kîmyayî hatine taqî kirin. Lê belê gelê Kurd carekê jî dest neavêtîye bikaranîna zilim û terorê. Tersê wê, tevgeriyaye, û xwestiye bi riyên demokrasî û aştîyane mafên xwe bi dest xe.

 

 "Hemû dinya şahidê wê bû, ku dema gelê Kurdistana Iraqê biryara referandûm û serxwebunê da û encama wê bi serketinê "belê" bû,  rejimên Iraq û Îran û Tirkî ne hew encam qebûl nekirin, tersê wê, gefên dagirkirin û komkujîya gelê Kurdistanê dixwin. Ew gelê, ku ev çar sal in xwe di şerê dijî terorîstên DAIŞê de kirîye mertal û bergirîya dinyayê dike, bi rik li hember dijminên mirovatîyê radiweste û dijmin anîye ber têkçûnê. Di vê pêvajoyê de, pêşmergeyên Kurdistanê bihezaran rolên qehremaniyê lîstine. Qurbanî dane û bihezaran jî birîndar û kêmendam (seqet) bûne. Mixabin, welatên demokrasîxwaz, ku bawerîya wan bi demokrasî û biryara gelan heye, di şuna ku piştevanîya gelê Kurdistanê bikin û piştgirîya proseyê bikin, ew tiştên bo gelên xwe helal dibînin, lê bo gelê Kurdîstan heram dibînin.

 

"Me hêvî dikir ku, dema yekem derçûna encama rapirsîya gelê Kurdistanê ew ê hemû bi yekdengî û bi hêz piştgirî û pîrozbayîya me bikin. Tersê wê, we ev nekir. Hûn li dijî me sekinîn. Ji ber wê niha hikumeta tayferîya mezhebî ya li Bexdayê û rêjîmên Îran û Tirkîyê tehdîdan li gelê Kurdistanê dikin û abloqya hewayî û erdî xistine ser me, hêzên xwe nêzîkî sînor kirine û gefên lêdana Kurdistanê dixwin, ji ber ku me daxwaza mafê xwe kiriye.

 

"Em dawê li we dikin, ku hûn li ser bingeha mafên mirovan, mafên gelan û hemû wan diruşmên we, bang li we dikin, ku piştgirî û piştevanîya xwe bo gelê Kurdistanê nîşan bidin û pêşîya wan rejîmên barbar û şoven bigrin, ku destên xwe ji zilm û neheqîyê beramber gelê Kurdistanê bikşînin. Me destê xwe yê aştîyê bo her hêlê dirêj kirîye, dijî şer û xwînrijandinê. Em dilxwazê wê ne, ku hemu gelên navçeyê bi azadî û tebayî û her kes li ser axa xwe bijî. Lê di dema her gef û êrişeke li ser gelê me û welatê me de, em neçarin, xwe biparêzin.

 

"Emê mirinê hilbijêrin, ne serîtewandinê!

 

Ev nûçe 533 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din
  • Referanduma (Rapirsîna) Serxwebûna Başûrê Kurdistanê Pîroz be!12 Tebax 2017 Şemî 00:52
  • Însîyatîf li Stembolê jî dest bi kar kir11 Tebax 2017 În 00:15
  • ”Bi yek dil û bi yek deng”06 Tebax 2017 Yekşem 01:19
  • Di berbanga serxwebûnê de -3-02 Tebax 2017 Çarşem 14:42
  • Di berbanga serxwebûnê de -2-30 Tîrmeh 2017 Yekşem 20:59
  • “Namûs û şerefa neteweyê xwe diparêze”09 Tîrmeh 2017 Yekşem 15:51
  • Derew, ker û bîrdoziya bêdewletî07 Tîrmeh 2017 În 11:57
  • Welatê me di binê îşxalê da ye29 Gulan 2017 Duşem 18:53
  • “PAK deng û rengekî nû ye!”09 Gulan 2017 Sêşem 18:44
  • Îroj ji sedî sed PAK kurdî bû08 Gulan 2017 Duşem 00:05