Efrîn/ Termê xortekî Kurd hate dîtin!

Efrîn/ Termê xortekî Kurd hate dîtin!

Li gundekî herêma Efrînê ya Rojavayê Kurdistanê, termê ciwanekî kuştî di nav zeviya wî ya çandiniyê de hate dîtin.

A+A-

Li gor agahiyên ku çalakvanên Efrînî li ser medyayên civakî belav kirine, berî 2 rojan ve xelkê gundê Avraz ê ser bi nahiyeya Mabata, termê ciwanê bi navê Egîd Mihemed Şêx Hesen di nav zeviya wî ya çandiniyê û darên zeytûnan de dîtin.

 

Li gorî zanyariyên ku hatine belavkirin, Egîd Mihemed Şêx Hesen berî heftiyekê ve ji mala xwe ya li gundê Avraz derketibû, ji bo ku hebûn û amadebûna xwe li Efrînê li dadgeha bajarê Efrînê tomar bike, lê piştre winda bibû û ti zanyarî li ser wî nehatibûn zanîn.

 

Piştre termê wî welatiyê navbirî li nav zeviya wî ya çandiniyê û baxê wê yê zeytûnan ji aliyê xelkê gundê Avrazê tê dîtin.

 

Şêx Hesen ji aliyê grûpên çekdar ve careke din hatibû revandin û azadkirin, lê jê hatibû xwestin ku her demekê, serdana dadgeha Efrînê bike, ji bo hebûna xwe li nav Efrînê tomar bike.

 

Egîd Şêx Hesen bavê 2 zarokan e.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin