• Diyarbakır 34 °C
  • Batman 36 °C
  • Hakkari 27 °C
  • Şırnak 32 °C
  • Ağrı 16 °C

Efrîn/ Hunermendekî din jî hate girtin

Efrîn/ Hunermendekî din jî hate girtin
Çekdarên bi ser Tirkiyê ve, îro, hunermendekî gelêrî li nava bajarê Efrînê ya Rojavayê Kurdistanê girtin û berê wî dane cihekî ne diyar.

Li gor jêderên xwecihî, sibeha îro  hunermendê gelêrî Ehmed Neisan û birayê wî Mihemed (ji xelkên bajarokê Şiyê ne) li pêşiya dikana wan li navenda bajêr, ji aliyê çekdarên bi ser Tirkiyê ve, hatin girtin û bê ku sedem were nîşandan.

Ji alîkî din ve, li gundewarê Efrînê jî binpêkirinên çekdaran li dijî xelkê sîvîl berdewam in, ango li gundê Dîkê yê bi ser navçeya Reco ve ye, çekdarên bi Tirkiyê ve, îro,  kalemêrê 80 salî yê bi navê Mihemed Hemo hatiye girtin û bi behaneya hewandina çekan, hatiye êşkencekirin û berê wî dane girtîgehê.

Ev nûçe 400 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din