"Komeleya Hezkarîyên Ajelên Bibask" li Dîyarbekirê ji bo kevokan otêl ava kir. Otêl 30 ode ye û 2 hezar kevok li wir tên xwedîkirin. Kireya her odeyê mehê 150 lîra ye. Ji bo talepek gelek zêde heye dixwazin otelê hin firehtir bikin.

Li otelê; ji Hollandayê bigre heta Rûsyayê ji Amerîkayê bigre heta Belçîkayê ji her nîjadê kevok hene û her rojên Çarçemî îhale li dar dikeve û cota kevokan di navbera hezar û 20 hezaran de dihên firotin û gelek mişterî ji bo wan peyda dibin.

Halit Koçyigitê ku mîmar e û di heman demê de mamosteyî jî dike, dibêje; ew 30 sal e bi kevokan mijûl dibe, ji her nîjadê 150 kevokên wî hene û nirxê wan li ser 100 hezarî ne. Lê ew hezdike kevokên Diyarbekirê yê xwemalî xwedî bike.

Li Dîyarbekirê ji hezar salan vir ve ye kevok dihên xwedîkirin û alaqeyeka taybet a Dîyarbekirîyan ji kevoka re hene.