Wextê wezîfeyê Serekê Amerîka Donald Trumpî 10 rojî dima qedîyeno. Nika ra xeylê weçinîtoxan waşt ke wa Trump îstîfa bikero.

Wextê wezîfeyê Serekê Amerîka Donald Trumpî 10 rojî dima qedîyeno. Nika ra xeylêk weçinîtoxan waşt ke Trump wa îstîfa bikero. Cepheyê Komargîran ra zî xelyêkkesî îstîfaya Trumpî wazenê.

Senatoran ra Komarger Ben Sasse, Lisa Murkowski û Pat Toomeyî CNNî rê qisey kerd û pare kerd ke îstîfakerdişê Trumpî rayîro tewr raştikên o.

Toomeyî ard ziwan ke wexto ke Trump weçînayîşê 3ê teşrîna peyêne de bin kewt ê wextî ra nata bîyo 'gêj' û no nêameyêne texmînkerdene.

Trumpo ke Qesra Sipî de yo, qet yew eşkerayîye nêdaye. Dima ke mabênê Trump û Hetkarê Serekî Mike Penceyî xeripîya têkilîya ci ya bi wezîran zî rijîyaye.