DIAKURD BI KONGREYA STOCKHOLMÎ AWANBÎYAYÎŞÊ XO KERD RESMÎ

DIAKURD BI KONGREYA STOCKHOLMÎ AWANBÎYAYÎŞÊ XO KERD RESMÎ

.

A+A-

Xebata 4 serran ra dima Konfederasyona Kurdê Diaspora, Stockholm de roja serrgêra awanbîyayîşê Komara Mahabadî de kongreya xo ya awabkerdişî viraşt. Diakurd nameyê kongreya xo kerd Kongreya Zaraya Netewperwere.

Seba rayberîya Kongre Kamuran Kîkî, Welat Nehrî, Roza Kurd û Darya Kader Mulla ameyî weçînayene.

Kongreya de Diakurd Raportê Çalakîyanê xo yê mabênê serranê 2018-2021 sey broşur pêşkêşê Kongre kerd.

Heto bîn ra Kongre de newe ra nuştişê destûrê Diakurdî kongre de ame munaqeşekerdene û şiklê xo yê peynî girewt. Destûr hetê komêka huquqnas û pisporan ra goreyê standartanê qanûnî yê Ewropa ra bêro kontrolkerdene û do halo peyên bigîro.

Kongre pê qiseykerdişê serekê Komîteya muwaqet yê Diakurdî Adnan Axacanî dest pêkerd. Badê qiseykerdişê destpêkî,  Serekê Enstituya Fransa Dr. Kendal Nezan qisey kerd. Kendal Nezanî va; ”Heme dinya dostê Kurdan ê, tena kurd dostê yewbînan nîyê”.

Kongre de 3 panelî ameyî dayene. Panelo yewin yê Neslo bi ke Reşo Zîlan bi da. Beşdarê panelê Amir Qazî, Selîm Baban, Dr. Kendal Nezan, Shersad Mamsanî bî.

Panelo diyîn yê neslo diyîn bi. Panel bi moderatoriya Mardîn Hêja Baban ame dayene. Beşdarê panelî Partiya Çep ra Nûjîn Alacabek (Partiya Çep), rojnamevan Kurdo Baksî, Tara Twana (Partiya Sosyal Demokrat) û avukat Roj Xelef bi.

Panelo hîrêyîn bi beşdarîya Dr. Omer Shehmus, Dr. Mîna Sedem, Dr. Farhad Jahanmahan, Prof. Dr. Salih Akin bû. Panel bi rêvebiriya Doç. Dr. Osman Aytar ame dayene.

Diakurd derheqê awanbîyayîşê xo de beyanatê da.

Beyanatê Diakurdî cêr de yo:

Ewro 22/1/2022 Kongreya awankerdişê Konfedrasyona Kurdê Diaspora - Diakurd virazîya û tesdîqkerdişê pêroyê newe ra nuştişê pêşnîyarkerdî yê komîteya awankerdişî ra dima, û qirarê awankerdişê komîsyonêk seba tespîtkerdişê kêmasîyê newe ra nuştişê destûrî, “Konfedrasyona Kurdê Diaspora - Diakurd” amey ronayene.

Kongreya Diakurd bi amadebîyayîşê qasê 120 kesan bi fîzîkî û 60 kesan bi rayîrê online, bi amadebîyayîşê temsîlkaranê Federasyon û merkezan û  çend pispor û şexsîyetê Kurd, Stockholm de amey awan kerdene. Kongre semedê rêzgirewtiş, xebate û xoverdayîşê mamosteya Kurd Zara Mihemedî a ke hetê rejîmê Îranî ra erzîyaya hepisxane, bi nameyê Kongreya Zaraya Welatperwere amey name kerdene.

Kongre bi marşê netewî yo Ey Reqîb  dest pêkerd. Badê weçînayîşê dîwanê serekîya kongre, Kongre bi pêşkêşîya mesulê komîteya awankerdişê Diakurd, Adnan Axacan dest pêkerd û profesor Dr. Kendal Nezan serekê Înstîtuya Kurd yê Parîsî  derheqê mazimîya pîyaxebata Kurdan a diaspora qiseykerdişêk kerd. Badê raportê Komîteya awankerdişê Diakurdî yê çar serranê peyênan ame wendene û mesaja keyeyê Zara Mihemedî ya seba Kongre ame wendene. Çend partî, organîzasyon û kesayetiyê Kurdistanî mesajê pîrozbayî seba kongre erşawitî û 2 rojî badê ê mesajî do keyepelê Diakurdî de bêrê weşanayene.

Kongreya Zaraya Welatperwere de hîrê (3) panelê taybetî girêdayîyê îmtîhan û tarîxê diaspora Kurd bi nameyê: Nesilo yewin – rayberê diasporaya Kurd, kar û cigêrayîşê zanistî yê ser diasporaya Kurd û serkewtişê neslê neweyî yê Kurdanê diaspora  ameyî dayene. Semedê hetkarî dayîşê dewaya Zara Mihemedî, nameyê Kongreya awankerdişê Diakurdî ser o, peyamêk semedê hetkarî dayîşê Zara,  welatanê Ewropî û Amerîka rê ame erşawitene.

Qasê 60 sserrîyo ke Kurdî her çar perçeyanê  Kurdistanî ra rîyê sebebanê siyasî, îkdîsadî, keyeyî, kar û wendişî ra û rîyê zilm û zordariya îşxalkeran ra, Ewropa, Amerîka û welatanê bînan yê dinya rê vila bîyê. Keda bi milyonan Kurdistaniyan diaspora de, sermayeyêka pîle ya netewî û hêzêko merdimayî û îkdîsadî semedê dewaya Kurd û Kurdistanî peyda bîyo. Kurdê ke welatanê Ewropa de manenê, semedê averberdişê dewaya netewa xo, pawitişê nasnameyê xo yê netewî û întegrasyonê  mîyanê welatanê ke tede manenê û semedê pîlkerdişê cematê Kurd yê diaspora lazimî bi awankerdişê federasyon, merkez û bingêhê cîya bi cîya yê siyasî, komelkî, perwerdeyî û kulturî esta.

Mîyanê çar serranê peyênan de bi beşdariya tay federasyonanê Kurdî  yê welatanê cîya bi cîya, hazirîyê muhîmî semedê awankerdişê Konfederasyona Kurdê Diaspora yan zî Diakurdî ameyê kerdene. Destûrê organîzasyonî de armanc nê hîrê xalan de ameyo kom kerdene:

1. Zêdekerdişê hemkarîya mabênê organîzasyonanê kurdan û averberdişê cematê sîvîlî yê kurdanê Diaspora

2. Bihêzkerdişê întegrasyon û têkilîyê kurdê diaspora bi welat û neteweyanê bînan reyde

3. Hetkarî dayîşê menfietê neteweyî û heqê tayînkerdişê qederê şaranê Kurdistanî

Diakurd rayberîya federasyon û merkezanê Kurdistanî yê welatanê cîya bi cîya de ameyo ronayene û nê temsîlkarîyan ser ra hetkarî dano kurdanê diaspora. Diakurd girêdayîyê ercanê neteweyî yo û bi pawitişê xoserîya xo ya îkdîsadî, siyasî û organîzasyonî, wazeno bibo cayê bawerîya heme Kurdistanîyan û dostanê kurdan.

Diakurd xebate û têkîliyanê xo de hurmet nîşanê îrade û serwerîya Kurdanê diaspora dano.

Diakurd semedê nê armancê ke cor de ameyê rêzkerdene û semedê armancê ke distûrê konfederasyonî de ameyê tesdîq kerdene, bi weçînayîşê Komîteya rayberîye, Encûmena Şewirmendan û Komîteya çimdarîye dest bi karê xo yê organîze kerdo.

Diakurd organîzasyonêko xoser û sivîl yê cematê medenî yo ke hurmet nîşanê xebate û têkoşînê heme Kurdistaniyan dano û xo altirnatîfê tu hêz û organîzasyonêk nêvîneno. Diakurd keyeyê Kurdan.

Peynî de ma semedê hazirîya kongre, medyayê kurdî ê sey Rudaw, Çarpel Medya, Radio Ashti û Peyv TV rê sipas kenê  ke bi weşananê zindî peyama kongre resnay kurdê diaspora û Kurdistanî. Kongre spasdarê Weşanxaneya APEC kena ke semedê hetkarîya înan a semedê hadrekarîya dosyeyan û xemilnayîşê kongre.

Heyeta Rayberîya Konfederasyona Kurdê Diaspora - Diakurd

Stockholm, Swêd – 22/1/2022

#Diakurd #FreeZara #Kurdistan #Kurdishdiaspora

7-070.jpg8-061.jpg9-050.jpg10-044.jpg12-028.jpg13-021.jpg14-017.jpg15-018.jpg16-015.jpg17-017.jpg

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin