Di navbera YPGê û çekdarên girêdayî Tirkiyê de şer derket  

Di navbera YPGê û çekdarên girêdayî Tirkiyê de şer derket  

.

A+A-

Li Helebê, di navbera YPGê û çekdarên girêdayî Tirkiyê de şer derket û çekdaran 4 gundên di destê YPGê de ne topbaran kirin.

Li gor Rewangeha Sûrî ya Mafên Mirova belav kir, şeva borî şerekî giran di navbera çekdarên ser bi Tirkiyê ve û şervanên YPGê li gundê Kefir Xaşir li bakurê Helebê derket û di encamê de çekdarek hat kuştin.

Herwiha hat destnîşankirin, hêzên Tirkiyê û grûpên çekdaran 4 gundên li derdora Til Rifatê yên ku di destê YPGê de ne topbaran kirin.

Piştî dagîrkirina Efrînê ji aliyê artêşa Tirkiyê û komên çekdar ên ser bi wê ve, dora 250 hezar kes ji Efrînê derbider bûn û li Til Rifet û derdora wê (herêma Şehbayê) bi cih bûne.

Li wê herêmê, her dem şer di navbera komên çekdar û YPGê de derdikeve û gelek caran jî artêşa Tirkiyê wê navçeyê topbaran dike û xelkê sivîl dibin qurbanî.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin