PAK li 5 Bajaran Konferansên bi navê "Di 100 Salîya Sykes-Pîcotê de Pirsa Kurd û Kurdistanê" lidardixe

PAK (Partîya Azadîya Kurdistanê)  jibo sedsalîya peymana Sykes-Pîcotê li 5 bajaran konferansên bi navê " Di 100 Salîya Sykes-Pîcotê de Pirsa Kurd û Kurdistanê" lidardixe.

Wek ku tê zanîn Peymana Sykes-Picotê di 16ê meha Gulana  sala 1916an de, di navbera Frensa û Brîtanyayê de hate îmzekirin,  tê de sînorên Rojhilata Navîn bi destkeftên şerê cîhanê yê yekem li ser welatiyên Rojava hatin dabeşkirin. Herwiha beşeke Kurdistanê jî ket bin destê Yekîtîya Sovyetê û navê Kurdistana sor lê hate kirin.

Li gor zanyerîyên ku ji Buroya Çapemenî û Ragihandinê ya PAKê hatî belavkirin Konferansên PAKê dê ji Batmanê destpê bike û li Wanê biqede. Dem, saet û cîhê van konferansan wiha hat dîyar kirin;

Batman: 13.05.2016 (Înê) - 17.30 - Navenda Çandê ya Kevn 

Amed: 14.05.2016 (Şemî) - 14.00 - Lîlûz Otêl Hola Konferansê

Stenbol : 15.05.2016 (Yekşem) - 14.00 - Hola Konferansê ya Cezayîrê - Beyoğlu

Îzmîr: 17.05.2016 (Sêşem) - 19.00 - Hola Tepekule Egeyê- Bayraklı

Wan: 21.05.2016 (Şemî) -15.00 - Hola Tuşbayê ya WAN TSOyê