Dêrsim de teqayîş: 2 gedeyî merdî

Dêrsim de teqayîş: 2 gedeyî merdî

Qezaya Dêrsimî Pulur de teqayîş ver 2 gedeyî merdî. Walîtî derheqê teqayîşî de beyanat da û va, teqemenîya ke bi dest ameya viraştene (EYP) ya; keyeyê Guloglu zî îzeh kerd ke, teqayîş mayîna ke 10 metre dûrê xeyma înan de bîya, aye ra virazîyayo.

A+A-

Qezaya Dêrsimî Pulur de teqayîş ver 2 gedeyî merdî. Walîtî derheqê teqayîşî de beyanat da û va, teqemenîya ke bi dest ameya viraştene (EYP) ya; keyeyê Guloglu zî îzeh kerd ke, teqayîş mayîna ke 10 metre dûrê xeyma înan de bîya, aye ra virazîyayo.

Teqayîşo ke gomê Çakilyayla yê dewa Bîlgeç ya qezaya Pulurî de virazîya, tede Ayaz Gulogluyî (8) cuya xo vînî kerd, Nupelda Gulogluya 4 serrî ya ke bi giranî birîndar bîye zî wedarîyabî Nêweşxaneyê Unîversîteya Firatî ya Xarpêtî. Nûpelda Guloglu zîş nêweşxane de merd.

Walîtîya Dêrsimî ya ke derheqê teqayîşî de beyanat da, îdîa kerd ke teqayîş rîyê teqemenîyo ke hetê endamanê organîzasyonî ra herême de verê cû ameya ronayene virazîyayo.

Keyeyê Gulogluyî zî eşkerayîya walîtîye zûrî vete, vat ke teqayîş EYP ra nê, mayîne ra virazîyayo. Pîrikê gedeyanê ke merdê Zeynel Gulogluyî zî va, teqayîş 10 metre dûrê xeyma înan de, cayê kaykerdişê gedeyan de bîyo û persa çi karê EYPyî zereyê dewe de esto kerd. Dede Gulogluyî vat herême de operasyon zî çin o, eskerî zî çin ê û texmînê xo de va ke teqayîş rîyê mayîna ke verê cû ameya ronayene ra bîyo.
 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin